Del 10 al 16 d'Agostu de 2008 desendolcose la campaña Fonte Obaya 2008. L'oxetivu d'esti añu yera continuar la esploración más p'allá del sifón na galería aeria descubierta n'agostu de 2005. Pa eso xuntámonos esta vegada Frank Vasseur, Martín Burgui, Javier Lusarreta, Josep Guarro, Mireia Bolta, Carmen Portilla, David Perez, Rafael Bernardo, Oscár Cuadrado, Leopoldo Trabanco y Xesús Manteca. Un añu más quedámonos nel Albergue Linde Bobia, del Camping Picos d'Europa, onde tamién taben la xente del Les Taupes Palmés, Damien Vignoles, Laurent Richard, Gillaume Tixier y Annick Saury que continuen cola esploración de H.uenti Obar, na Canal Negra.
El llunes 11 dedicámonos a arranchar tol material, 
montar una tirolina penriba'l Pozu Negru d'Obaya y meter el material pa facer al dia siguiente semeyes nel sifón. Pola mor de lo que llovió estos dies atopamos el nivel d'agua enforma altu.
La Cueva Seca esnelda faciendo una capa borrina pola diferencia de temperatura col esterior.Dende onde dexamos el patrol hay que caleyar dellos minutos dica onde entama la canal qu'entama nel Pozu Negru d'Obaya y sube perpindia a Cueva Seca.
El martes dia 12 Frank, Javier y Oscár faen delles semeyes ente la entrada del sifón y -41. Oscár estrena en cueva el so Megalodon. 
Pela nuechi llega David Perez, el Zarzaloniu".El miercoles 13 Martin y Frank intenten facer la punta, pero al entamu de la inmersión el kiss de Martin entama a day problemes y camenten dexar el somorguiamientu pal dia siguiente.
Por fin el xueves ta todo iguao pero hay que facer un cambiu de planes. Javier nun s'alcuentra bien y atalanten que enved'entrar dos parexes (Javier/Frank y David/Martin) entre namas que una formada por Frank y Martin. Magar que tenemos los torpedos a boca cueva camentase dir a aleta dica la punta. 
Mentantu el percorriu de los 475 m. de llargor del sifón fay falta iguar el filu en dellos llugares, dica surdir tres una deco de 25 minutos, na poza qu'algamara Frank n'agostu de 2005. 
El nivel de l'agua ta altu, asina que el pequeñu tombayu que habia en 2005 ta somorguiau, lo que facilita l'avance pela poza. Un curtiu llagu lleva a una faza onde la galería va estrechando de tal manera que torga la continuación. Una resquiebra de piedra frayada ye'l final de la esploración. Tres la estrechura sientese l'agua correr y na repla hay señales de que toda esa galería somórguiase nes xorrecies. Con gran decepción pol mal comportamientu de la cueva, Martín y Frank tornen a la cay dempués d'una deco más curtia que l'anterior.Tres un curtiu conceyu atalantamos que queda la posible continuación del Sifón Cimeru, descubiertu n'agostu de 2005 n'una galería atopada n'un llateral de la esguilada de 30 m. fecha por Franón y Teca nel iviernu de 2004, a la gueta del orixe del vientu que sopla la cueva. Recoyemos la mayor parte del material, esceúto unes botelles pequeñes que usaránse mañán pa merguyar nel Sifón Cimeru.El vienres 15 Rafa y Teca meten material pa merguyar dichu sifón. Pa llegar a esti puntu hay que esguilar unos 6 m. pela cuerda de la via d'esguilada y dempués arrastrase per delles gateres de repla dica llegar a la salina onde s'atopa'l sifón. Esti ye una pocina al fondu d'una rampla de barru blandongu y pegañosu. El vientu nótase bien n'esta sala y parez venir per una resquiebra penriba'l sifón. Baxu l'agua, una curtia galería con formes de corrosión dexa ver unos 5 m. más p'allá l'espeyu d'una campana. Con dos botelles de 4 ll. y ensin aletes Teca pasa esti sifón que nun tien fondura dala. Del otru llau sigue notándose'l vientu y entama una galería seca de dimensiones más cómodes que les anteriores al sifón. Darreu entamen a vese guapes formaciones y colaes, entamando a subir la galería dica algamar una colada onde fay falta una cuerda o bien el sofitu d'otra persona. La cueva parez continuar per equí. Topografiase dende la poza'l sifón dica l'entamu de la esguilada.Con esto damos por terminada la campaña Fonte Obaya 2008.
D'otru llau, l'equipu de Les Taupes Palmees fino la esploración de la rede fósil de H.uentiu Obar y esploró el sifón más llonxanu del riu. Tres un somorgamientu de 30 m. de llargho y 10 de fondura algamose una galería aeria onde 'l riu cay per un tombayu de dellos metros, siendo posible la so esguilada. Continuarán l'añu que vien.
El llunes 11 dedicámonos a arranchar tol material, montar una tirolina penriba'l Pozu Negru d'Obaya y meter el material pa facer al dia siguiente semeyes nel sifón. Pola mor de lo que llovió estos dies atopamos el nivel d'agua enforma altu. La Cueva Seca esnelda faciendo una capa borrina pola diferencia de temperatura col esterior.Dende onde dexamos el patrol hay que caleyar dellos minutos dica onde entama la canal qu'entama nel Pozu Negru d'Obaya y sube perpindia a Cueva Seca.El martes dia 12 Frank, Javier y Oscár faen delles semeyes ente la entrada del sifón y -41. Oscár estrena en cueva el so Megalodon. Pela nuechi llega David Perez, el Zarzaloniu".El miercoles 13 Martin y Frank intenten facer la punta, pero al entamu de la inmersión el kiss de Martin entama a day problemes y camenten dexar el somorguiamientu pal dia siguiente.Por fin el xueves ta todo iguao pero hay que facer un cambiu de planes. Javier nun s'alcuentra bien y atalanten que enved'entrar dos parexes (Javier/Frank y David/Martin) entre namas que una formada por Frank y Martin. Magar que tenemos los torpedos a boca cueva camentase dir a aleta dica la punta. Mentantu el percorriu de los 475 m. de llargor del sifón fay falta iguar el filu en dellos llugares, dica surdir tres una deco de 25 minutos, na poza qu'algamara Frank n'agostu de 2005. El nivel de l'agua ta altu, asina que el pequeñu tombayu que habia en 2005 ta somorguiau, lo que facilita l'avance pela poza. Un curtiu llagu lleva a una faza onde la galería va estrechando de tal manera que torga la continuación. Una resquiebra de piedra frayada ye'l final de la esploración. Tres la estrechura sientese l'agua correr y na repla hay señales de que toda esa galería somórguiase nes xorrecies. Con gran decepción pol mal comportamientu de la cueva, Martín y Frank tornen a la cay dempués d'una deco más curtia que l'anterior.Tres un curtiu conceyu atalantamos que queda la posible continuación del Sifón Cimeru, descubiertu n'agostu de 2005 n'una galería atopada n'un llateral de la esguilada de 30 m. fecha por Franón y Teca nel iviernu de 2004, a la gueta del orixe del vientu que sopla la cueva. Recoyemos la mayor parte del material, esceúto unes botelles pequeñes que usaránse mañán pa merguyar nel Sifón Cimeru.El vienres 15 Rafa y Teca meten material pa merguyar dichu sifón. Pa llegar a esti puntu hay que esguilar unos 6 m. pela cuerda de la via d'esguilada y dempués arrastrase per delles gateres de repla dica llegar a la salina onde s'atopa'l sifón. Esti ye una pocina al fondu d'una rampla de barru blandongu y pegañosu. El vientu nótase bien n'esta sala y parez venir per una resquiebra penriba'l sifón. Baxu l'agua, una curtia galería con formes de corrosión dexa ver unos 5 m. más p'allá l'espeyu d'una campana. Con dos botelles de 4 ll. y ensin aletes Teca pasa esti sifón que nun tien fondura dala. Del otru llau sigue notándose'l vientu y entama una galería seca de dimensiones más cómodes que les anteriores al sifón. Darreu entamen a vese guapes formaciones y colaes, entamando a subir la galería dica algamar una colada onde fay falta una cuerda o bien el sofitu d'otra persona. La cueva parez continuar per equí. Topografiase dende la poza'l sifón dica l'entamu de la esguilada.Con esto damos por terminada la campaña Fonte Obaya 2008.D'otru llau, l'equipu de Les Taupes Palmees fino la esploración de la rede fósil de H.uentiu Obar y esploró el sifón más llonxanu del riu. Tres un somorgamientu de 30 m. de llargho y 10 de fondura algamose una galería aeria onde 'l riu cay per un tombayu de dellos metros, siendo posible la so esguilada. Continuarán l'añu que vien. Semeyes Somorguiaes: Frank Vasseur.
Semeyes: Xesús F. Manteca y Rafa Bernardo.
No hay comentarios:
Publicar un comentario